Knowledge Network will be trading in Australia under the trademark KnowNet.
           
 
Release
Date
21 Jan 2000
   
Die Burger Oos-Kaap, Roslym Baatjies
 
Agter staan Albert Rudman, rekenaartegnikus by RBS, en voor van links is Oosie Oosthuizen, skoolhoof, Gunter Frölich, Marika van Rooyen en Antoinette de Meillon, die onderwyser wat in beheer van die nuwe lokaal.
 
 

 

 

 

 

 

 
Verkenner spog met nuwe rekenaarsentrum
Die Burger Oos-Kaap, Roslyn Baatjies
 

PORT ELIZABETH. Die snelveranderende tegnologie wat die alledaagse lewe oorheers, het die Laerskool Verkenner hier laat besluit om 'n moderne rekenaarsentrum vir sy leerders in te rig om hulle met die nodige vaardighede vir die tegnologiese eeu toe te rus.

Mnr. Oosie Oosthuizen, skoolhoof, het gesê die sentrum is ingerig ná 'n behoefte wat deur ouers en onderwysers ge¨dentifiseer is. "Ons het reeds middel verlede jaar 'n komitee aangewys om die saak te ondersoek. Daar is toe besluit dat dié lokaal in Januarie 2000 in gebruik geneem sal word.''

Verkenner het voorheen 'n lokaal met ses rekenaars gehad, maar spog nou met 'n moderne rekenaarsentrum met 'n lêerbediener en 27 rekenaars wat aan 'n netwerk gekoppel is, asook twee drukkers en 'n skandeerder.

Volgens Oosthuizen sal die netwerk ook voorsiening maak vir onder meer die skool se administratiewe stelsels. "Die doel van die nuwe sentrum is om ons leerders toe te rus met vaardighede sodat hulle in die tegnologiese wêreld kan funksioneer. Ons wil hulle bekwaam om die rekenaar as 'n instrument in die alledaagse lewe te gebruik. "Alle leerders, van pre-primêr tot gr. 7, sal op 'n weeklikse basis opleiding ontvang in onder meer programme soos Windows 98 en MS Office 2000, wat bestaan uit MS Word, MS Excel, MS Power Point, MS Outlook, MS Access en MS Publisher. Opleiding vir volwassenes word ook beplan.

Verkenner het 'n driejaarkontrak met Knowledge Network   onderteken. Die kontrak behels dat K-Net as kurrikulum-koördineerder vir dié termyn sal optree.

K-Net is 'n Suid-Afrikaanse maatskappy wat in 1994 ontstaan het en lid is van die vereniging van Private Kolleges. Sy hoofkantoor is in Pretoria en sal vir die volgende drie jaar op 'n maandelikse basis die skool besoek en onderwysers verder oplei en die vordering van leerders monitor.

"Mej. Antoinette de Meillon is in beheer van die nuwe ontwikkeling. Sy het 'n verdere diploma in rekenaargeletterdheid voltooi en met haar aanvoeling vir die jeug is sy die ideale persoon vir die taak,'' het Oosthuizen gesê.

Volgens mnr. Gustav Gerber, rekenaarkonsultant en opleidingsbeampte by RBS, voorsiener van die nuwe harde- en sagteware, beskik Verkenner nou oor die modernste tegnologie beskikbaar. "Die moderne toerusting en verbintenis met K-Net sal verseker dat leerders by Verkenner ten volle rekenaargeletterd sal wees wanneer hulle die skool verlaat.''  

 

 

General info

Knowledge Network
South Africa
Inquiries Email
 
 
 
 
 

 

 

 

 

 

               
Copyright© 1994-2009 Knowledge Network® (PTY) Limited
All rights reserved. Information subject to change without prior notice.
Any information submitted online via the web site (http://www.knowledgenetwork.co.za) or by email will not be made available to any third party outside of Knowledge Network®.
Website www.knowledgenetwork.co.za Email info@knowledgenetwork.co.za
Date of update: 18 February 2009